Ішкі пайдаланушының есептік жазбасын өзгерту

Kaspersky Security Center ішкі пайдаланушы есептік жазбасын өзгерту үшін:

  1. Консоль ағашында Пайдаланушылардың есептік жазбалары қалтасын ашыңыз.

    Пайдаланушылардың есептік жазбалары қалтасы әдепкі бойынша Кеңейтілген қалтасына салынған.

  2. Жұмыс аймағында өзгертуді қажет ететін ішкі пайдаланушы есептік жазбасын екі рет басыңыз.
  3. Ашылған Сипаттар: <пайдаланушы атауы> терезесінде пайдаланушы есептік жазбасының параметрлерін өзгертіңіз:
    • Сипаттама
    • Толық атауы
    • Негізгі электрондық пошта
    • Негізгі телефон нөмірі
    • Пайдаланушыны Kaspersky Security Center-ге қосуға арналған Құпиясөз.

      Құпиясөз келесі ережелерге сәйкес келуі керек:

      • Құпиясөздің ұзындығы 8-ден 16 таңбаға дейін болуы керек.
      • Құпиясөзде төмендегі тізімдегі кемінде үш топтың таңбалары болуы керек:
        • бас әріптер (A-Z);
        • кіші әріптер (A-Z) (a-z);
        • сандар (0-9);
        • арнайы таңбалар (@ # $ % ^ & * - _ ! + = [ ] { } | : ' , . ? / \ ` ~ " ( ) ;).
      • Құпиясөзде бос орындар, Юникод таңбалары немесе "." таңбасы "@" алдында тұрған кезде "." және "@" тіркесімі болмауы тиіс.

      Енгізілген құпиясөзді қарау үшін, Көрсету түймесін басып, оны қажетті уақыт бойы ұстап тұрыңыз.

      Пайдаланушының құпиясөз енгізу әрекеттерінің саны шектеулі. Әдепкі бойынша, енгізу әрекеттерінің максималды саны 10-ға тең. Енгізу әрекеттерінің максималды санын "Құпиясөз енгізу әрекеттерінің санын енгізу" бөлімінде сипатталғандай, өзгертуге болады.

      Егер пайдаланушы құпиясөзді бірнеше рет қате енгізсе, пайдаланушы есептік жазбасы бір сағатқа бұғатталады. Пайдаланушы есептік жазбалары тізімінде бұғатталған есептік жазбаның белгішесі қараңғыланған (қолжетімді емес). Сіз есептік жазбаны тек құпиясөзді ауыстыру арқылы бұғаттан босата аласыз.

    • Қажет болса, пайдаланушының бағдарламаға қосылуына жол бермеу үшін Есептік жазбаны өшіру жалаушасын қойыңыз. Мысалы, қызметкер компаниядан жұмыстан шыққаннан кейін, есептік жазбаны өшіруге болады.
    • Пайдаланушы есептік жазбасын рұқсатсыз өзгертуден қосымша қорғанысты қосқыңыз келсе, Есептік жазба параметрлері өзгертілген кезде құпиясөз сұраңыз параметрін таңдаңыз. Осы параметр қосулы болса, онда пайдаланушы есептік жазбасының параметрлерін өзгерту үшін Жалпы функционал: Пайдаланушы рұқсаттары аймағындағы Нысан ACL параметрлерін өзгерту құқығы бар пайдаланушының авторизациясы қажет.
  4. OK түймесін басыңыз.

Өзгертілген пайдаланушы есептік жазбасы Пайдаланушылардың есептік жазбалары қалтасының жұмыс аймағында көрсетіледі.

Басына оралу